يا ام فِشْه عايمه

مجرد خاطرة 

بقلم - ا د فتحي الشرقاوي

 أستاذ علم النفس بجامعة عين شمس

في كل بيت...

بنت دمها خفيف..فرفوشه..

على طول بتضحك...

واخده كل أمور حياتها ببساطه

مابتشيلش هم اي حاجه...

بتوزع ابتسامات لكل اللي في البيت...

لو قاعده لوحدها ..

بتفضل تغني علشان تسمع نفسها

اي مشكله بتقابلها بتبسطها ومابتعقدهاش

الغريب إن كل اللي في البيت ..

بيبقوا مش طايقنها ومضايقين منها...

علشان خفيفه ومش موزونه..

وعلى طول فشتها عايمه 😀😆

ومش بيشركوها في حل مشاكلهم...

ومش بيثقوا في رأيها...

وبيعتبروها ساذجة زي الأطفال....

ياريت تبصولها من زاوية تانية ايجابيه

شوفوهاانها بتخفف ...

من حدة التوتر اللي ماسكه الاسرة كلها..

وانها بشوشه و مبتسمه وده في حد ذاته علاج لاي حد كئيب في البيت ..

وانها مصدر مريح للفضفضه معاها ..

لانك ضامن انها مش هتقولك ..

حاجه تعكننك

صدقوني...

النمط ده رزق من عند ربنا ..

ومش هتعرفوا قيمتها .

إلا لما تتجوز وتسيبلكم البيت...

ساعتها الكآبه بتاعتكم ..

مش هتلاقوا حد يخففها...

وتقولوا بعدها ولا يوم من ايامك ..

صباحكم ربيع بيضحك 

مجرد خاطرة 

ا د فتحي الشرقاوي

 أستاذ علم النفس بجامعة عين شمس