الشاعر عبدالعزيز العنزي يبدع شعراً ويقول ( من كان عبدالله معه مابه خلاف )
الرياض - هند حامد
ابدع الشاعر عبدالعزيز بن سحل العنزي في قصيدة معبره في الكلام والمعنى قدمها هدية متواضعة الى الأستاذ عبدالله العميره " ابو سعد " الذي وصفه من الرجال الاوفياء الذين يشار لهم بالبنان رجل مواقف افعال واقوال له كل الحب والتقدير والاحترام من الجميع وتقول القصيدة في كلماتها .
يامارد اشعاري ويا هاجس القاف
فجر يناييع الشعر يا حمر عين
اغرف من اعماق البحر وانت غرّاف
واستخرج الماس الحمر والبلاتين
في طاعه الله دون كاهن وعرّاف
انمشّي الهاجس على العسر واللين
ان ماوصلت بمدحه لحد الانصاف
يحرم علي اضمهّا للدواوين
ياحبني للطيب والطيب نوّاف
ينوف ب افعال الرجال الوفيين
مثل العميره معتلي راس مشراف
نبراس عالي من تميم الشهيرين
من ال مشرف حايزٍ كل الاوصاف
كريم من روس الرجال الكريمين
ومن كان عبدالله معه مابه خلاف
مايعرف الحاجه ولايعرف الدين
وقفت كريم ٍ ينسمع به وينشاف
يقولها اللي شايفه شوف بالعين
والخوّه اللي دون خوّته تنعاف
اكبها لوهي من اقرب قريبين
يا ابو سعد لو قلت في مدحك اضعاف
ابقى مقصر ياحفيد الميامين
وانا ولد ناس ضمايرهم نضاف
على النقا يثمر بنا الموقف الزين
الشاعر .. عبدالعزيز بن سحل العنزي
تعليقات
إرسال تعليق