ماتتعشمش قوووي
بقلم ✒️
ا.د فتحي الشرقاوي
ماتتعشمش في حد قووي،ولا تضع لأحد مهما كان ،مستوى من التوقعات أعلى من حجمه ووزنه وقدراته ،حتى لا تفاجأ بردة فعله الباهته تجاهك مما يصيبك بكل أنواع الإحباط
وتفضل بعدها تبكي وتلطم وترفع شعارات غريبه ( الدنيا ملهاش أمان/وعم عشم مات..الخ)لأ...لازم تعرف إن الغلط مش عند اللي خذلك،
الغلط عندك إنت اللي نازل عشم × عشم وساند ضهرك على حيطه مايله، ومعتقد في مساعده اللي يسوى واللي مايسواش،أنصحك ياعزيزي بأن تكون واقعيا ،وانزل الناس منازلهم، ليس كل مايبرق ذهبا، في ناس عامله نفسها ذهب وهى في الاصل صفيح ، انزل بسقف توقعاتك معهم إلى الدور الأرض ولو في بدروم
( تحت الارضي) إنزل معاه
،ولما يعاتبوك ويلوموك ويقولولك ليه نزلت⁉️ وقتها افتح لهم كل دقات نقصهم ودفاترهم القديمة معاك وخليهم يشوف كل تقصيراتهم
،إنت عارف أنا بقولك الموضوع ده ليه ⁉️لأن معظم مشاكلنا إن لم يكن كلها بتكون نتيجة ارتفاع سقف عشمنا في الناس،لو أنت وضعت سقف متوسط ..
ولقيت اللي قدامك أعطاك أكتر مما تتوقع،يبقى خير وبركه وهتفرح جدا ولو السقف متوسط ورد فعله أقل منه بشوية بردوا مش فارقه معاك لأنها مش بعيده، لكن سذاجتك أحيانا بتخليك تحط توقعات لحد على اعتبار انه أعلى دور في المبنى وهو في الحقيقة،مايستهلش حتى البدروم، المشكلة هنا مش في الشخص اللي ملقتش عشمك عنده ،المشكله في الوقت ده بتبقى مشكلتك إنت وسوء تقديرك إنت ،ولو إنت على طول مَدَبْ ومندفع في رفع سقف توقعاتك وعشمك للي يسوى ومايسواش،يبقى مفيش مفر أمامك من طلب ( المساعده النفسية) خاصة إذا كان ده أسلوبك ونوعية حياتك الدائم والمستمر
علم النفس علم للحياة
ا.د فتحي الشرقاوي
أستاذ علم النفس بجامعة عين شمس
تعليقات
إرسال تعليق